Rusiyada tezliklə təkcə "YouTube" deyil, “Google”, “Android” və “iOS” da bloklanacaq. Lakin bu, Rusiya tərəfinin təşəbbüsü ilə baş verməyəcək.

"Cebheinfo.az" xəbər verir ki, bunu Dövlət Dumasının deputatı Aleksey Didenko “runews24” portalı ilə söhbətində bildirib.

Deputat vurğulayıb ki, dövlət qulluqçularına və məmurlara, xüsusilə məxfi məlumatlara çıxışı olanlara çoxdan bu platformalardan istifadə etmək qadağan edilib.

Bildirilib ki, bloklanma prosesi iki mərhələdə həyata keçiriləcək: 

oktyabr ayına qədər videohostinqin işinin yavaşladılması və sonra isə tam bloklanma ola bilər.

Həsən Məmmədov 
"Cebheinfo.az"