“Amerikalıların İrəvana necə dağıdıcı fanatizmlə yanaşdığını görürük".

Cebhe.info-nun məlumatına görə, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.

“USAİD-in rəhbəri, rusofobiyası ilə tanınan Samanta Pauer və bu yaxınlarda Ermənistanı Qərbə yönləndirdiklərini açıq şəkildə bəyan edən dövlət katibinin köməkçisi vəzifəsini icra edən Yuri Kim respublikaya gəldi. Konqresin nümayəndə heyəti oraya səfər edib. Bunlar yalnız son günlərdə baş verir və heç kimin inkar etmədiyi şeylərdir. Çünki bu, zahirdədir.

Daxil olan məlumatlara görə, Vaşinqton və Brüssel Qarabağ ermənilərinin hüquqlarını və təhlükəsizliyini nəzərə almadan İrəvanı KTMT-dən çıxmağa, NATO ilə əməkdaşlığı sürətləndirməyə, hərbi-texniki əməkdaşlığın istiqamətini dəyişməyə və Azərbaycanla sülh sazişi imzalamağa inandırırlar.

Bu məqsədlərə çatmaq üçün tələsən qərblilər öz insan haqları dəyərlərini unudublar. Bütün bunlar Ermənistanda nümayişçilərin təqiblərinə, döyülməsinə, həbsinə göz yuman növbəti psevdodemokratiyadır. Biz həmişə demişik ki, dövlətin daxili işlərini dövlət özü həll etməlidir. Amma ABŞ İranda bir nümayişçi görübsə, İrəvanda da nə baş verdiyini görməlidir.

Mitinqlərin davam edəcəyi təqdirdə təhdid edilən müxalifətin taleyinin necə olacağını görmək istəmirlər. Bu, artıq ikili standartlar deyil, standartların olmamasıdır”, - deyə o qeyd edib.

Müşfiq Abdulla
Cebhe.info