Xəbər vediyimiz kimi, Quba rayonundan Xınalıq kəndinə gedən yolda yerləşən körpü uçub. 

"Cebheinfo.az"  xəbər verir ki, körpü intensiv yağıntılardan sonra yaranmış güclü sel suları nəticəsində dağılıb. 

Məsələ ilə bağlı Azərbaycan Avtomobil Yolları Dövlət Agentliyinin mətbuat katibi Anar Nəcəfli "Cebheinfo.az"-a açıqlamasında bildirib ki, körpü 1 ay əvvəl sel suları nəticəsində uçub:

"Bununla bağlı təkliflər hazırlanıb, yeni layihələr təqdim olunub, təsdiqlənib. Yəqin ki, yaxın günlərdə yeni körpünün inşasına başlanılacaq".

O qeyd edib ki, hazırda vətəndaşların istifadə etməsi üçün alternativ olaraq Alpan-Susay-Xınalıq yolu var.

Ləman İsmayıl
"Cebheinfo.az"