İspaniya La Liqasının XXXV turunda reallaşacaq "Barselona" - "Real" oyununun baş hakimi açıqlanıb.

"Cebheinfo.az" xəbər verir ki, maraqla gözlənilən qarşılaşmanı Alexandro Xose Hernandes idarə edəcək.

Bu, 41 yaşlı hakimin karyerasındakı dördüncü "El-Klasiko" olacaq. Xose Hernandes sonuncu dəfə 5 il əvvəl "böyük oyun"a təyinat alıb. Həmin görüşdə qapılara qol vurulmayıb.

Qeyd edək ki, "Barselona" - "Real" matçı mayın 11-də, Bakı vaxtı ilə saat 18:15-də başlayacaq. Kataloniyalılar 79 xalla turnir cədvəlinə başçılıq edir. 75 xala malik "Kral klubu" ikinci pillədə yer alıb.

"Cebheinfo.az"