Türkiyənin "Qalatasaray" klubu icarəyə götürdüyü Viktor Osimheni birdəfəlik transfer etmək istəyir.

"Cebheinfo.az" xəbər verir ki, "Cim-Bom" uğurlu çıxışı ilə diqqətçəkən dünya ulduzu üçün "Napoli" ilə danışıqlara başlayacaq.

İstanbul klubunun prezidenti Dursun Özbək nigeriyalı hücumçuya görə İtaliya təmsilçisinə 50 milyon avroluq bir transfer təklifi verməyə hazırlaşır.

Sözügedən məbləğin sponsorlar tərəfindən qarşılacağı deyilir. 

Təklif qəbul ediləcəyi təqdirdə, Osimhen ilə 5 illik müqavilə imzalanacaq. 

25 yaşlı futbolçunun da klubda qalmaq istəməsinin danışıqlarda "Qalatasaray"ın əlini gücləndirəcəyi proqnozlaşdırılır.

Qeyd edək ki, Viktor Osimhen bu mövsüm "Qalatasaray"da meydana çıxdığı 7 matçda 4 qol vurub, 3 məhsuldar ötürmə edib.

Elmir Mustafa
"Cebheinfo.az"