Uzun yaşayan insanların rasionunda çoxlu vacib və sağlam qidalar var. 

“Cebhe.info” “İzvestiya” qəzetinə istinadən yazır ki, bu barədə aşpaz-mütəxəssis Tamara Moseva deyib.

Mütəxəssisin siyahısı sümüklərin və ürəyin sağlam olmasına kömək edən K vitamini və fol turşusu olan ispanaq, kələm və brokolidən ibarətdir. Siyahıda hüceyrələri zədələnmədən qoruyan antosiyaninlərlə zəngin olan qara qarağat, gavalı və albalı da var.

“Noxud, lobya, mərcimək və noxud yeməyə də dəyər.  Bunlar zülal, dəmir, kalsium, sink və lif mənbələridir”, -deyə mütəxəssis qeyd edib. Onun sözlərinə görə, qoz-fındıq, avokado, qırmızı balıq və zeytun yağında olan doymamış yağ turşularını da unutmaq olmaz.

Mütəxəssis çox miqdarda yağlı süd məhsulları, qızardılmış qidalar, “fast food” və tərkibində trans yağlar olan işlənmiş qidaları yeməməyi tövsiyə edib. O, həmçinin maddələr mübadiləsini sürətləndirmək və vaxtından əvvəl qocalmanın qarşısını almaq üçün kifayət qədər su içməyin vacib olduğunu deyib.

Moseva xəbərdarlıq edib ki, qida maddələrinin çatışmazlığı immunitetin zəifləməsinə, anemiyaya, artrit və osteoporoza səbəb ola bilər. Pis qidalanma isə maddələr mübadiləsini pozur, beyin funksiyalarına təsir edir və insult riskini artırır.

Xəzər
“Cebhe.info”