“Moskva Bakı ilə İrəvan arasında münaqişənin sülh yolu ilə həlli üçün imkanları görür və Qarabağda vəziyyətin gərginləşməsi fonunda hər iki tərəflə əlaqə saxlayır”.

Cebhe.info xəbər verir ki, bunu Rusiya Prezidentinin mətbuat katibi Dmitri Peskov deyib. O, Kremlin Qarabağda gərginliyin kəskin artması və hərbi əməliyyatların başlanmasından narahat olduğunu bildirib.

Kreml sözçüsünün sözlərinə görə, Moskva Qarabağ münaqişəsinin nizamlanmasının diplomatik müstəviyə qaytarılmasına çalışır. “Bunun üçün yeganə substantiv əsas üç il əvvəl Rusiya, Ermənistan və Azərbaycan arasında imzalanmış üçtərəfli sənədlərdir”, - Peskov jurnalistlərə bildirib. Eyni zamanda, o, Rusiya Federasiyası, Ermənistan və Azərbaycan arasında ən yüksək səviyyədə təmasların olmasını istisna etməyib.

Bu arada İrəvanda Dağlıq Qarabağdakı vəziyyətlə bağlı etiraz aksiyaları keçirilir. Bu gün səhər saatlarında Azərbaycan Müdafiə Nazirliyi guya Ermənistan Silahlı Qüvvələrinin birləşmələrini çıxarmaq və regionda konstitusiya quruluşunu bərpa etmək üçün Qarabağda antiterror tədbirləri həyata keçirildiyini açıqlayıb. 

Xəzər
Cebhe.info