“Azərbaycan Respublikası ərazisində ceyranların mühafizəsi, reintroduksiyası və tarixi areallarının yenidən bərpası” layihəsi çərçivəsində 2010-cu ildən cari dövrədək Şirvan Milli Parkından Ağgöl Milli Parkının ərazisinə 26 baş ceyran fərdi reintroduksiya olunub.

Aparılan son sayğı zamanı parkda 87 baş ceyran qeydə alınıb.

"Cebhe.info" xəbər verir ki, bu barədə Bioloji Müxtəlifliyin Qorunması Xidmətinin rəsmisi Arzu Babayeva açıqlama verib.

Xidmət rəsmisinin sözlərinə görə, hazırda milli parkda balalama dövrünü yaşayan xeyli sayda dişi fərd müşahidə olunur: 

"Bu, çox sevindiricidir və o deməkdir ki,  Ağgöl Milli Parkında ceyran populyasıyası müsbət dinamika ilə inkişaf edir". 

"Cebhe.info"