Jurnalistə Laçında vəzifə verildi
Laçın rayonuna köçən jurnalist Yeganə Quliyevaya vəzifə verilib.
"Cebhe.info" xəbər verir ki, bu barədə jurnalist özü məlumat verib.
Bildirib ki, o Laçın rayonunda Bərpa, Tikinti və İdarəetmə Xidmətində İctimaiyyətlə əlaqələr şöbəsinin böyük məsləhətçisi vəzifəsinə təyinat alıb. Y. Quliyeva artıq işinin icrasına başlayıb.
Xatırladaq ki, Y.Quliyeva Laçın rayonunda doğulub. 1992-ci ildə Laçın işğal olunandan sonra ailəsi ilə birlikdə Bakıda məskunlaşmışdı. Y. Quliyeva bir sıra aparıcı media qurumlarında çalışıb. O, "Cebhe.info" xəbər portalı və "Cümhuriyət" qəzetinin də əməkdaşı olub.
"Cebhe.info"