Dünyada portağal şirəsinin birja qiymətləri bir funt dondurulmuş konsentrat üçün rekord həddə - 4,56 dollara çatıb.

Qiymət artımı bu meyvəninn dünyada əsas istehsalçısı olan Braziliyada portağal yığımı ilə bağlı əlverişsiz proqnozla izah olunur.

“Cebhe.info” xəbər verir ki,  B”CS World of Investments”-ın fond bazarı üzrə eksperti Lyudmila Rokotyanskaya vəziyyəti  şərh verib.

ICE Futures-in məlumatına görə, dondurulmuş portağal suyu konsentratının qiyməti çərşənbə axşamı ABŞ birjasında bir gün əvvəlki 4,46 dollardan 4,56 dollara qədər qalxaraq bütün zamanların yeni rekordunu qırıb.

“Portağal şirəsi fyuçerslərinin qiymətini qaldıran əsas amil Braziliyanın bu mövsüm portağal istehsalı üçün əlverişsiz proqnoz elan etməsidir. Əvvəlki mövsümlə müqayisədə 24% az portağal yığılacağı gözlənilir. Bu, 1989-cu ildən bəri ən aşağı məhsul olacaq”, - Rokotyanskaya bildirib. O xatırladıb ki, ölkə bu məhsulun istehsalında 34% payla dünyada birinci yerdədir.

Ekspert əlavə edib ki, eyni zamanda, fyuçers qiymətləri texniki amillə əlaqədar olaraq da arta bilər:

“Fyuçers mühüm müqavimət səviyyəsini keçib. Belə səviyyələrdə qısa mövqelərin həcmi adətən artır. Oyunçular qiymətin aşağı düşəcəyini gözləyirlər. Qiymət, əksinə, kəskin şəkildə yuxarıya doğru pozulduqda, qısa əməliyyatların kütləvi şəkildə bağlanması baş verir. Belə bir əməliyyatın bağlanması əks hərəkəti, yəni  alışı yerinə yetirməyi nəzərdə tutur”.

Xəzər
“Cebhe.info”