Rusiya silahlı qüvvələri Ukraynanın üç regionundakı mühüm enerji infrastrukturu obyektlərinə aviazərbələr ediblər.

"Cebhe.info” xəbər verir ki, bu barədə Ukrayna energetika naziri Qerman Qaluşenko “Facebook” səhifəsində yazıb.

Bildirib ki, aprelin 27-də axşam saatlarından başlayaraq Rusiya silahlı qüvvələri növbəti dəfə “Şahed” tipli pilotsuz təyyarələrlə Ukraynaya genişmiqyaslı hücuma keçiblər.

Onun sözlərinə görə, hazırda Dnepropetrovsk, İvano-Franksovk və Lvov vilayətləri enerji infrastrukturuna ziyan dəyib:

“Hücum zamanı enerji obyektlərində çalışanlar isə müxtəlif dərəcəli bədən xəsarətləri alıblar. Artıq energetiklər nəticələrin aradan qaldırılması üzərində işləyirlər”.

Həsən Məmmədov 
"Cebhe.info"