“New York Times” qəzetinin mənbələrinə görə, ABŞ Ədliyyə Nazirliyi Ukraynaya qarşı Təcavüz Cinayətlərinin Mühakiməsi üzrə Beynəlxalq Mərkəzdən (ICPA) çıxması barədə Avropa rəsmilərini özəl şəkildə məlumatlandırıb.

Nəşr xatırladır ki, qrup Rusiya rəhbərliyini, o cümlədən Prezident Vladimir Putini, həmçinin onun Belarus, Şimali Koreya və İrandakı müttəfiqlərini beynəlxalq hüquqa əsasən təcavüz kimi qiymətləndirilən cinayətlərə görə məsuliyyətə cəlb etmək üçün yaradılıb.

Qərarın bazar ertəsi Avropa Birliyinin Cinayət Ədliyyəsi Əməkdaşlığı Agentliyinin (Eurojust) əməkdaşlarına və qrupun üzvlərinə elektron poçtla göndəriləcəyi gözlənilir, Times mənbələri bildirib.

Nəşrin qeyd etdiyi kimi, ABŞ-nin qrupdan çıxması ABŞ Prezidenti Donald Tramp administrasiyasının keçmiş prezident Co Baydenin Putini ukraynalılara qarşı törədilən cinayətlərə görə şəxsən məsuliyyətə cəlb etmək öhdəliyindən geri çəkilməsinə növbəti sübutdur. Bu məqsədlə ABŞ 2023-cü ildə qrupa qoşulub.

Qəzetin yazdığına görə, Tramp administrasiyası qrupdan çıxmaq qərarını resursların yenidən bölüşdürülməsi zərurəti ilə izah edib. Birləşmiş Ştatlar Avropadan kənarda qrupla əməkdaşlıq edən yeganə ölkə olub, Ukrayna, Baltikyanı ölkələr və Rumıniya müstəntiqləri ilə işləmək üçün Ədliyyə Departamentinin yüksək səviyyəli prokurorunu Haaqaya göndərib.

Xəzər
“Cebheinfo.az”