Rusiya Daxili İşlər Nazirliyi ölkədə xarici investorlara birbaşa yaşayış icazəsi verən “qızıl viza” proqramından ən çox faydalanan investorları açıqlayıb. 

"Cebheinfo.az" xəbər verir ki, məlumatlara görə, Rusiyadan ən çox investor yaşamaq icazəsi alan əcnəbilər Türkiyə vətəndaşları olub. Bu proqram çərçivəsində Türkiyədən üç investor Rusiyada yaşamaq icazəsi alarkən, Almaniyadan iki, ABŞ, Gürcüstan, Azərbaycan, Çin və Cənubi Koreyadan bir investor bu fürsətdən yararlanıb. Rusiyada 2023-cü ildə qüvvəyə minən yeni tənzimləmə çərçivəsində cəmi 10 xarici investor birbaşa daimi yaşayış icazəsi (VNH) əldə etmək hüququ qazanıb. 

Nazirlik rəsmiləri “İzvestiya” qəzetinə açıqlamasında bildiriblər ki, bu proses investorları həvəsləndirmək məqsədi daşıyır, lakin indiyədək məhdud sayda müraciət daxil olub. Qızıl Visa Proqramı və Şərtləri 2023-cü il yanvarın 11-dən Rusiya müəyyən meyarlara cavab verən xarici investorlara müvəqqəti yaşamaq icazəsi almadan birbaşa olaraq qeyri-müəyyən yaşayış icazəsi üçün müraciət etmək hüququ verən “qızıl viza” proqramını işə salıb. Proqramın məqsədi Rusiya iqtisadiyyatına töhfə verən xarici investorları və onların ailələrini həvəsləndirməkdir. Qızıl viza əldə etmək istəyən investorlar aşağıdakı şərtlərə cavab verməlidirlər:

 • Rusiya şirkətinə ən azı 15 milyon rubl (təxminən 298 min manat) sərmayə qoymaq və ya Ən azı 50 milyon rubl (təxminən 994 min manat) dəyərində xarici şirkətə investisiya etmək 
• İnvestisiya alan şirkət ən azı üç il fəaliyyət göstərməli, 6 milyon rubl vergi ödəməli və 25 nəfəri işlə təmin etməlidir 
• Alternativ olaraq, ilkin kapitalı ən azı 10 milyon rubl olan Rusiya şirkəti yaratmaq və 10 Rusiya vətəndaşını işə götürmək 
• Üç il ərzində ən azı 30 milyon rubl dəyərində Rusiya dövlət istiqrazlarının və ya daşınmaz əmlakın alınması.

 Həmçinin neft-qaz, kənd təsərrüfatı, enerji, səhiyyə, informasiya texnologiyaları və tədqiqat kimi müəyyən sektorlara investisiya qoyuluşu və maliyyə mənbəyinin qanuni olduğunu sübut etmək məcburidir. Rusiyanın qızıl viza proqramı investorların maraq göstərdiyi bir sistem olaraq diqqət çəkir, lakin müəyyən meyarlara görə müraciətlərin sayı azdır. 2023-cü ildə 20 nəfər ümumi 1,2 milyard rubl (təxminən 13 milyon dollar) investisiya üçün yaşayış icazəsi üçün müraciət edib. Müraciətlər ABŞ, Almaniya, Çin, Serbiya, Gürcüstan, Türkiyə və Əlcəzair vətəndaşlarından gəlib. Bununla belə, proqramın uzunmüddətli perspektivdə investorları cəlb edib-etməyəcəyi investisiya şərtlərindən asılı olacaq. 

Nigar Hacılı 
"Cebheinfo.az"