ABŞ Dövlət katibi Marko Rubio Brüsseldə keçirilən NATO Xarici İşlər Nazirləri Toplantısında Ukrayna müharibəsi ilə bağlı açıqlamalar verib.

“Cebheinfo.az”-ın məlumatına görə, Ukrayna müharibəsini bitirmək üçün aparılan danışıqları dəyərləndirən Rubio bildirib ki, Rusiyanın müharibəni bitirməkdə ciddi olub-olmaması tezliklə məlum olacaq.

“Biz tezliklə öyrənəcəyik ki, onlar həqiqi sülh yolu ilə irəliləməkdə ciddidirlər, yoxsa bu, müvəqqəti taktikadır”, - deyə Rubio qeyd edib.

O, əlavə edib ki, gecikdirmə taktikası varsa, ABŞ Prezidenti Donald Tramp bununla maraqlanmır.

Trampın görüşdən sonra görüş tələsinə düşməyəcəyini bildirən amerikalı nazir Rusiya sülhə ciddi yanaşmasa, indiki mövqelərini yenidən qiymətləndirməli olacaqlarını bəyan edib.

Müşfiq Abdulla 
“Cebheinfo.az”