İsrail ordusunun Qəzza zolağının müxtəlif bölgələrinə təşkil etdiyi hücumlarda 44 fələstinli həyatını itirib.

"Cebheinfo.az" xəbər verir ki, İsrail ordusu Qəzza zolağının bir çox bölgəsində məcburi köçkünlərin sığındığı fələstinlilərin evlərini və çadırlarını hədəfə alıb.İsrailin Qəzzanın şərqindəki Şücaiyyə məhəlləsindəki yaşayış məntəqəsi və Yarmuk bölgəsini hədəf aldığı bombardmanlarda 20 fələstinli həlak olub.

Xəstəxana mənbələrindən alınan məlumata görə, İsrailin hücumları nəticəsində həyatını itirən 20 fələstinlinin cənazəsi Əl-Əhli Baptist Xəstəxanasına gətirilib, çox sayda insanın hələ də dağıntılar altında qaldığı bildirilib. İsrail döyüş təyyarələrinin Xan Yunisin şərqində Əl-Minarə məhəlləsində və Dabitə əl-Cəmrikiyyə bölgəsində üç evi hədəf alması nəticəsində 12 fələstinli həyatını itirib.

İsrail ordusu həmçinin Xan Yunusda Əl-Məvasi, Maan və Absan bölgələrində fələstinlilərin sığındıqları çadırları bombalaması nəticəsində 6 nəfər, Xan Yunisdə Kayzan Reşvan və Əl-Quteybə bölgələrində isə fələstinlilərin evlərini hədəf alması nəticəsində daha 6 nəfər həlak olub.

Beləliklə, İsrailin 7 oktyabr 2023-cü ildən etibarən Qəzza zolağına təşkil etdiyi hücumlarda həyatını itirən fələstinlilərin sayı 50 min 423, yaralıların sayı isə 114 min 638-ə yüksəlib.

Nigar Hacılı 
"Cebheinfo.az"