ABŞ Prezidenti Donald Tramp əczaçılıq məhsullarına ticarət tariflərinin tətbiqini təxirə salıb, lakin gələcəkdə belə tədbirləri tətbiq etməyi planlaşdırır. 

“Cebheinfo.az” xəbər verir ki, bu barədə mənbələrə istinadən “Bloomberg” məlumat yayıb.

Mənbənin sözlərinə görə, Ağ Ev artıq gələcək məhdudlaşdırıcı tədbirlərin tətbiqi üçün plan hazırlayır. Tramp administrasiyasının rəsmisi bildirib ki, hökumət tariflər tətbiq etməzdən əvvəl müəyyən idxalın ABŞ-nin milli təhlükəsizliyinə təsirini müəyyən etmək üçün araşdırma aparmaq istəyir:

“Bu baxış təkcə əczaçılıq sənayesinə deyil, həm də yarımkeçiricilər və minerallar sektorlarına təsir göstərməlidir”.

Daha əvvəl “Reuters” agentliyi mənbələrə istinadən xəbər vermişdi ki, əczaçılıq şirkətləri və lobbi qrupları ABŞ Prezidenti Trampın yeni iqtisadi reallıqlara uyğunlaşmaq üçün vaxt vermək üçün tibbi məhsullara mərhələli ticarət məhdudiyyətləri tətbiq etməyə çağırıb.

Aprelin 2-də Tramp idxal olunan mallara minimum 10% tarif tətbiq edəcəyini bildirib. Ayrı-ayrı dövlətlər üçün fərdi tariflər təyin edilib. Bundan əlavə, ABŞ administrasiyası aprelin 3-dən ölkəyə idxal edilən bütün avtomobillərə 25% vergi tətbiq edəcək.

Xəzər
“Cebheinfo.az”