“Ölkədə məhsul qıtlığına baxmayaraq, Ağ Evi bayram və ənənəvi oyunlar üçün bəzəmək üçün istifadə edilən həqiqi yumurtaları, o cümlədən iqamətgahım qarşısındakı qazonda yuvarlanan yumurtaları saxta yumurtalarla əvəz etmək istəmirəm”.

“Cebheinfo.az” xəbər verir ki, bunu ABŞ Prezidenti Donald Tramp Pasxa bayramı öncəsi bildirib. 

"Pasxa haqqında dedilər ki, yumurta istifadə etməyək. Plastik yumurta istifadə edə bilərik. Mən dedim ki, biz bunu istəmirik",-deyə Amerika lideri NBC-yə bildirib.

Ağ Evin bayramını yumurta ilə təmin edən “American Egg Board” (AEB) daha əvvəl bildirmişdi ki, amerikalı fermerlər tədbir üçün təxminən 30000 yumurta bağışlayırlar. AEB-dən verilən məlumata görə, bunlar ölçüsünə görə satış üçün yararsız olan yumurtalardır, ona görə də onların istifadəsi ölkədə məhsul qıtlığına təsir etməməlidir.

Xatırladaq ki, ABŞ quş qripi epidemiyası səbəbindən yumurta qiymətlərində kəskin artımla üzləşib.

Xəzər
“Cebheinfo.az”