Slovakiya hökuməti, ölkədə ölüm ilə nəticələnən ayı hücumlarından sonra 350 vəhşi ayının öldürülməsinə qərar verib.

“Cebheinfo.az” xəbər verir ki, Slovakiya hökuməti, bazar günü ayı hücumu nəticəsində həyatını itirdiyi məlum olan 59 yaşlı bir kişinin meyitinin tapılmasından bu qərarı verib.

Slovakiya parlamenti, keçirilən iclasda əməliyyatlara başlanması üçün təcili vəziyyət elan edilməsi ilə bağlı reqlament qəbul edib.Bu addımla, ölkənin 79 rayonundan 55-də təcili vəziyyət çərçivəsində Ekologiya Nazirliyi tərəfindən birbaşa öldürmə əmri verilib.Slovakiya Ekologiya Naziri Tom Taraba, ölkədə ayı hücumlarının sayında artımın müşahidə edildiyini və ötən il bu cür hadisələrin sayının 1900-ə çatdığını bildirib. Taraba Slovakiyada 1300-dən çox ayının olduğunu və ayı populyasiyasının artmaqda davam etdiyi üçün ölkədə 800-ə yaxın ayının olmasının kifayət etdiyini bildirib.

Baş nazir Robert Fiko isə açıqlamasında, "İnsanların meşələrə getməyə qorxduğu bir ölkədə yaşaya bilmərik" deyib. Həftəsonu baş verən ayı hücumu, yerleşim yerindən təxminən bir kilometr məsafədə, izləmə cihazlarının və vəhşi heyvanlarla bağlı xəbərdarlıq lövhələrinin olduğu bir ərazidə baş verib. 
Təbiət qoruma təşkilatları, hökumətin planlarını tənqid edərək, ölkənin beynəlxalq öhdəliklərini pozduğunu və öldürmə əmri vermək əvəzinə önləyici tədbirlərin görülməsi lazım olduğunu bildiriblər. 

Dünya Təbiəti Qoruma Fondunun Slovakiya üzrə nümayəndəsi Pavol Ilink, açıqlamasında, ovçuların maralların cəlb edilməsi üçün istifadə etdikləri yeməklərin vəhşi ayıları da insanların yaşadığı ərazilərə cəlb etdiyini vurğulayıb. Ilink ayıların şəhər və kəndlərə yaxınlaşmasının qarşısını almaq üçün ayıların əlçatmaz olacağı zibil konteynerlərindən istifadə edilməli olduğunu qeyd edib. 

Ayı hücumları səbəbindən 2021-ci ildə bir, ötən il isə iki ölüm hadisəsi qeydə alınan Slovakiyada, hökumət ötən il 144 vəhşi ayının öldürülməsinə də icazə vermişdi. Keçən il isə, Rumıniya da oxşar bir tədbir almışdı.

Əfsanə Rəcəb
“Cebheinfo.az”