Ötən il avrokuboklarda ən çox gəlir əldə edən klub İspaniya təmsilçisi "Real" olub.

Bu barədə UEFA-nın hesabatında bildirilib.

2023/2024 mövsümündə UEFA Çempionlar Liqasının qalibi olan Madrid klubu 138,8 milyon avro qazanıb. Paytaxt təmsilçisi sözügedən məbləğin 14 milyon avrosunu yayım hüquqlarının satışından əldə edib.

Ötən mövsüm əldə edilən gəlirlərə görə ikinci və üçüncü yerləri müvafiq olaraq PSJ (122,4 milyon avro) və Almaniyanın "Borussiya" (Dortmund, 120,7 milyon avro) klubları tutub.

Avropa Liqasının son qalibi "Atalanta"nın (İtaliya) qazancı isə təxminən 34 milyon avro olub.

Qeyd edək ki, digər klublardan Almaniya təmsilçisi "Bavariya" büdcəsinə 120,4 milyon avro əlavə edib. "Mançester Siti" (İngiltərə) 120 milyon avro qazanıbsa, İspaniya "Barselona"sı 98 milyon avro əldə edib. İngiltərənin digər klubu "Mançester Yunayted"in qazancı isə 60,7 milyon avro olub.

"Cebheinfo.az"