"Qaldırılan məsələ diqqətə alınacaq və bununla bağlı araşdırma aparılacaq".

"Cebheinfo.az" xəbər verir ki, bunu "Yeni Sabah"a Baş Dövlət Yol Polisi İdarəsinin inspektoru, polis baş leytenantı Elvin Hacıyev bildirib.

O, sabiq xarici işlər naziri Tofiq Zülfüqarovun YPX-dən şikayətinə bu cür münasibət bildirib.

E. Hacıyev əlavə edib: “İcraçı təyin olunacaq və 15 gün ərzində araşdırma aparılacaq. Saytımızın "Vətəndaş müraciəti" bölməsinə gəlincə, Dyp.gov.az saytının eletron müraciət bölməsi aktivdir və müraciətləri qəbul edir”.

Xatırladaq ki, keçmiş xarici işlər naziri Tofiq Zülfüqarov polis özbaşınalığı ilə üzləşib. O, “Facebook” hesabında yazıb ki, parklanma qaydasını düzgün yerinə yetirmədiyi iddiası ilə cərimələnib. Zülfüqarov cəriməni ödəyəcəyini bildirib, lakin polis əməkdaşı onunla qaydalara uyğun davranmayıb və etiraza “get, kimə istəyirsən de!” hədələyici tonu ilə cavab verib.

"Cebheinfo.az"