Qarsda keçirilən Ermənistan və Türkiyə iş adamları arasında görüş çox ciddi olub. Bu görüş Ermənistan və Türkiyə XİN-ləri və ticarət palatalarının iştirakı və dəstəyi ilə təşkil edilib.

"Yeni Sabah" Armenpress-ə istinadla xəbər verir ki, bunu Ermənistanın xarici işlər naziri Ararat Mirzoyan bildirib.

Onun sözlərinə görə, görüş Türkiyənin üç şərq və şimal-şərq əyalətinin işgüzar dairələrində böyük maraq doğurub və Ermənistan-Türkiyə iqtisadi əməkdaşlığının dərinləşdirilməsi üçün yaxşı başlanğıcdır. 

Mirzoyan bildirib ki, yaxın gələcəkdə Ermənistanda oxşar formatda ikinci görüşün keçirilməsini gözləyir.

Onun sözlərinə görə, artıq ayrı-ayrı şirkətlər və işgüzar dairələr arasında konkret danışıqlar başlayıb.

"Cebheinfo.az"