Qırğızıstanda dövlət bayrağının dizaynı dəyişdiriləcək.

Cebhe.info Qırğızıstan parlamentinin saytına istinadən xəbər verir ki, Ali Şuranın Konstitusiya qanunvericiliyi, dövlət quruluşu, məhkəmə-hüquq məsələləri və reqlament komitəsi dəyişiklikləri təsdiqləyib.

Noyabrın 28-də komitə “Qırğızıstan Respublikasının dövlət rəmzləri haqqında” Qanunda dəyişiklik edilməsi barədə” qanun layihəsini birinci oxunuşda təsdiqləyib.

Qanun layihəsində Qırğızıstan Respublikasının bayrağındakı şüaların formasının dalğavaridən günəş şüalarını açıq şəkildə xatırladan formaya dəyişdirilməsi təklif edilir.

Bayrağın üzərində günəş şüalarının yeni eskizini hazırlamaq üçün riyazi hesablamalar, rəsmlər və bununla bağlı işlər aparan müəlliflər cəlb olunub. Müəlliflərdən biri olan Jusup Matayev bayrağın orijinal versiyasının dəyişdirildiyini söyləyib:

“Əvvəlcə günəş şüalarına açıq şəkildə bənzəyən bir forma təklif edilmişdi”.

Xəzər
Cebhe.info