Finlandiyanın Turku Şəhər Şurası yekdilliklə Rusiyanın keçmiş Baş Konsulluğunun binasının alınması və onun yerində yeni binanın tikilməsi barədə qərar qəbul edib.

“Report” xəbər verir ki, bu barədə “Yle” portalı məlumat yayıb.

Şəhər rəhbərliyi binanı hazırkı sahibi “Senat Properties”dən 1,6 milyon avroya alacaq. Alınan torpaq sahəsi 3,5 min kvadratmetrdir. Buraya 2 min kvadratmetr sahəsi olan Baş Konsulluq binası daxildir.

1974-cü ildə tikilmiş binanın sökülməsinə, yerində yeni binanın tikintisinə razılıq verilib. Şəhər şurası mümkün müraciətlərə baxılmasını gözləmədən alışın davam etdirilməsinə qərar verib.

Cebhe.info