“Instagram”da böyük problem yaranıb

“Instagram”da böyük problem yaranıb

“Instagram” sosial şəbəkəsindəki köhnə videoların bir çoxunda səs itib.

Bu videolara baxmaq istədiyiniz çalışdığınız zaman “videoda səs yoxdur” bildirişi görünür.

“Cebhe.info” xəbər verir ki, 2013-cü ilin iyunundan (video dəstəyinin tətbiq olunduğu vaxt) 2014-cü ilin oktyabr ayına qədər “Instagram”-a əlavə edilən videolarda səs itib. Maraqlıdır ki, problem istifadəçinin cihazından asılı deyil - həm kompüterdə, həm də smartfonlarda bu videolarda səs yoxdur.

Problemin bu müddət ərzində yayımlanan bütün videolara təsir etdiyi görünür və bunun müəllif hüququ problemindən çox platformadakı nasazlığın səbəb olduğunu göstərir.

Köhnə “Instagram” istifadəçiləri üçün videolarında səsin yoxa çıxması ciddi problem və itki ola bilər, çünki çoxları bu sosial şəbəkədən həyatlarında mühüm anların xatirələrini saxlamaq üçün istifadə edir və səs atmosferin çatdırılmasında mühüm rol oynayır.

Qeyd edək ki, köhnə videolarda səs ən azı bir neçə ay əvvəl itməyə başlayıb. Artıq bu ilin may və iyun aylarında istifadəçilər bu problemlə bağlı şikayət etməyə başlayıblar. “Instagram”ın sahibi Meta Platforms problemin aradan qaldırılması üçün çalışdığını bildirib, lakin problemin səbəbi və ya həlli üçün vaxt çərçivəsi haqqında məlumat verməyib. Meta sözçüsü Sein Kim yaranan narahatlığa görə üzr istəyib və əlavə edib ki, problem həll olunur.

Xəzər
“Cebhe.info”