Məşhur mühafizəkar bloğer və müəllif Eşli Sent-Kler məşhur milyarder İlon Maskdan uşaq dünyaya gətirdiyini elan edib.

"Cebheinfo.az" Oxu.Az-a  istinadən xəbər verir ki, o, bu gözlənilməz açıqlama ilə "X" sosial şəbəkəsində çıxış edib.

31 yaşlı bloğer uşağı beş ay əvvəl dünyaya gətirdiyini açıqlayıb.

Eşli Sent-Kler bəyanatına "Alea iacta est" ("Püşk atılıb") latın ifadəsini əlavə edib.

Eşlinin sözlərinə görə, o, uşağının şəxsi həyatını və təhlükəsizliyini qorumaq üçün bu məlumatı əvvəllər qəsdən açıqlamayıb. Lakin bloğer tabloidlərin uşağa dəyə biləcək zərəri nəzərə almadan bu məlumatı dərc etmək niyyətində olduğunu öyrəndikdən sonra, ictimai bəyanat verməyə qərar verib.

Sent-Kler media nümayəndələrinə uşağının şəxsi həyat hüququna hörmət etmək və bu mövzunu həddindən artıq işıqlandırmaqdan çəkinmək xahişi ilə müraciət edib. O, uşağına normal və təhlükəsiz uşaqlıq təmin etmək istəyini vurğulayıb.

Müxtəlif qadınlardan 12 uşağı olan İlon Mask bu bəyanatı hələ ki, şərh etməyib.

"Cebheinfo.az"