Dünyanın ən məşhur sosial şəbəkələrindən olan TikTok-un gələcəyi müzakirə mövzusu olmağa davam edir.

Cebhe.info xəbər verir ki, TikTok-dan satılacağı xəbərlərinə ilk reaksiya gəlib.

Belə ki, platformanın rəhbəri Şou Zi Çyu satışın heç nəyi dəyişməyəcəyini açıqlayıb:

"TikTok-un satılması ABŞ və digər ölkələrin milli təhlükəsizliklə bağlı narahatlıqlarını aparmayacaq".

O, platformanı satmaq üçün ABŞ-ın təzyiq göstərməsinin doğru olmadığını da bildirib.

Qeyd edək ki, ötən günlərdə ABŞ Prezidenti Co Baydenin TikTok-un Çinin nəzarətindən çıxması üçün satılması istədiyinə dair xəbərlər yayılıb.

Baydenin TikTok-un təcili şəkildə satılması üçün platformanın rəhbərinə ciddi təzyiq göstərdiyi də vurğulanırdı.

Elmir
Cebhe.info