Braziliya sahillərində qayıqda 20 cəsəd tapılıb
Braziliyanın şimal-şərqində bir qayıqda ən azı 20 çürümüş cəsəd tapılıb.
"Cebhe.info" xəbər verir ki, Braziliyanın Federal İctimai Nazirliyi verdiyi açıqlamada qayığın aprelin 13-də Paranın şimal-şərqindəki Braqansa sahilində tapıldığını açıqlayıb.
Səlahiyyətlilər qayıqda ən azı 20 cəsədin olduğunu bildirib, lakin qalıqların parçalanması səbəbindən qayıqda neçə nəfərin öldüyü məlum deyil.
Müstəntiqlər "CNN Brazil"-ə bildiriblər ki, ölənlərin Braziliyadan deyil, Karib hövzəsindən olduğu güman edilir.
Yerli hakimiyyət orqanları son vaxtlar itkin düşmüş braziliyalılarla bağlı məlumatların olmadığını bildiriblər.
Nigar Hacılı
"Cebhe.info"