Almaniyanın xarici işlər naziri Yohan Vadeful İran rəhbərliyinə müraciət edərək Tehranın nüvə silahı yaratmağa çalışmadığına inandırmağa və danışıqlara getmək əzmini nümayiş etdirməyə çağırıb.

“Report”un məlumatına görə, bu barədə “Reuters” xəbər verib.

"İran ağılla hərəkət etməlidir. Danışıqlar masasına oturmaq üçün heç vaxt gec deyil", - XİN rəhbəri bildirib.

O, həmçinin İsrailin hərbi əməliyyatını dəstəkləyərək, Təl-Əvivin İranın nüvə silahı hazırlaması ilə bağlı narahatlıqlarının "tamamilə başadüşülən" olduğunu söyləyib.

"Cebheinfo.az"