Avropa Komissiyasının qonşuluq və genişlənmə danışıqları üzrə baş direktoru Qert Yan Kupman Ermənistana səfər edib.

"Cebhe.info" xəbər verir ki, bu barədə onun özü X səhifəsində paylaşım edib.

"Aprelin 5-də Aİ, ABŞ və Ermənistan arasındakı yüksək səviyyəli tədbirdən sonra Ermənistana mühüm səfər. Biz Avropa və Ermənistan arasında daha sıx əməkdaşlığın prioritetlərini müzakirə etmək və daha çox dayanıqlılıq və inkişaf üçün yeni planımız çərçivəsində imkanları müəyyən etmək üçün bir sıra erməni nümayəndələri ilə görüşməyi səbirsizliklə gözləyirik", - deyə o qeyd edib.

Xatırladaq ki, Avrokomissiyanın baş direktoru Cənubi Qafqaz ölkələrinə səfəri çərçivəsində Azərbaycana da gələcək.

"Cebhe.info"