Avropa İttifaqının ticarət komissarı Maros Şefçoviç ABŞ ilə tarifləri müzakirə etdiklərini bildirib.

"Cebheinfo.az" xəbər verir ki, Şefçoviç "Financial Times"a bildirib ki, "Bizim üzləşdiyimiz ticarət kəsiri 50 milyard avrodursa, inanıram ki, bu, çox tez həll olunacaq".

Avropa İttifaqının ticarət komissarı Maros Şefçoviç bəyan edib ki, Aİ ABŞ ilə ticarət əlaqələrindəki problemi həll etmək üçün ABŞ-dən mal alışını 50 milyard avro artırmaq istəyir.

O qeyd edib ki, Aİ razılaşma əldə etmək istiqamətində müəyyən irəliləyiş əldə edib.

Bununla belə, Şefçoviç Vaşinqtonun ticarət danışıqlarında ədalətli həll yolu kimi öz mallarına tətbiq etdiyi 10 % gömrük vergisini saxlamasını qəbul etməyəcəklərini bildirib.

O bildirib ki, ABŞ və Aİ Prezident Donald Trampın ittifaqa 20 faizlik tariflər tətbiq etməsindən, fasilə elan etdikdən sonra bir neçə dəfə üzbəüz və telefon danışıqları vasitəsilə irəliləyiş əldə edib.

Komissar əlavə edib ki, onun məqsədi hələ də Ağ Evlə “balanslı və ədalətli” razılaşma əldə etməkdir.

Sefcovic, ABŞ-nin ticarət nümayəndəsi Cemison Qrier (Jamieson Greer) və ticarət katibi Hovard Lutnik qarşısında əsas arqumentinin Amerikanın Aİ-yə xidmət ixracının nəzərə alınması olduğunu və bunun Avropa ilə ümumi ticarət kəsirini cəmi 50 milyard avro azaldacağını söyləyib.

Şefçoviç, bu kəsirin ABŞ-dən daha çox qaz və kənd təsərrüfatı məhsullarının alınması ilə bağlı razılaşmalarla tez bir zamanda doldurula biləcəyini söyləyib:

“Əgər üzləşdiyimiz ticarət kəsiri 50 milyard avrodursa, bunun mayeləşdirilmiş təbii qaz və ya qısaca LNG alışları, soya və ya digər sahələr kimi bəzi kənd təsərrüfatı məhsulları vasitəsilə çox tez həll edilə biləcəyinə inanıram".

O vurğulayıb ki, sazişin Avropa Parlamenti və üzv dövlətlər üçün “açıqca yaxşı və məqbul” olması “çox çətin” olacaq.

Sefcovc, həmçinin Çinin artan ixracatının təsirlərini aradan qaldırmaq üçün ABŞ ilə əməkdaşlığa açıq olduğunu və bunun ticarət razılaşması üçün "şirnikləndirici" ola biləcəyini söyləyib.

Ticarət danışıqlarında baza dərəcəsi kimi 10 faizlik vergini qəbul edib-etməyəcəyi ilə bağlı suala cavab verən Şefçoviç, Aİ-nin bunu “çox yüksək səviyyə” kimi qiymətləndirdiyini və blokun tarifləri bu səviyyədə saxlayan anlaşmaya razılaşmayacağını deyib.

Nigar 
"Cebheinfo.az"