Bakı şəhəri, Binəqədi rayonu, Biləcəri qəsəbəsində ümumi sahəsi 200 m² olan birmərtəbəli tikilinin (taxta sexi kimi fəaliyyət göstərir) yanar konstruksiyaları və içərisində 5 ədəd dəzgah yanıb.

Bu barədə Fövqəladə Hallar Nazirliyi məlumat verib.

Qeyd olunub ki, bitişik tikililər yanğından mühafizə olunub.

Yanğın yanğından mühafizə bölmələri tərəfindən söndürülüb.

***

Saat 18:45

Biləcəridə sexdə yanğın söndürülüb.

Bu barədə FHN məlumat yayıb. Qeyd olunub ki, Bakı şəhəri, Binəqədi rayonu, Biləcəri qəsəbəsində sexdə baş vermiş yanğın Fövqəladə Hallar Nazirliyinin yanğından mühafizə bölmələri tərəfindən söndürülüb.

Əlavə məlumat veriləcək.

***

18.15

Biləcəridə sexdə yanğın başlayıb.

Fövqəladə Hallar Nazirliyinin (FHN) "112" qaynar telefon xəttinə Bakı şəhəri, Binəqədi rayonu, Biləcəri qəsəbəsində sexdə yanğın olması barədə ilkin məlumat daxil olub.

FHN-dən verilən xəbərə görə, məlumatla əlaqədar FHN-nin Dövlət Yanğından Mühafizə Xidmətinin yanğından mühafizə bölmələri çağırış üzrə cəlb olunublar.

Hazırda yanğınsöndürmə işləri həyata keçirilir.

Əlavə məlumat veriləcək.

Cebhe.info