İnsanlar üçün ən dadlı qidaların nə olduğu müəyyən edilib. 

Bunlar tərkibində eyni miqdarda yağ və karbohidrat olan qidalardır. Bundan əlavə, gözləntilərin əksinə olaraq, qidanın yüksək kalorili olması onu daha arzuolunmaz hala gətirmir. Bristol Universitetinin (Britaniya) alimləri bu qənaətə gəliblər. Cebhe.info xəbər verir ki, araşdırmanın nəticələri “Appetite” jurnalında dərc olunub.

Araşdırmada 224 nəfər iştirak edib. Alimlər qida seçərkən ən vacib parametrin nə olduğunu öyrənməyə çalışıblar. Bu zaman onun kalorili məzmunu, emal dərəcəsi və ya yağ və karbohidratların nisbəti nəzərə alınıb. Onlar subyektləri üç qrupa ayırıblar. Birinci iştirakçılar emal olunmamış, minimal işlənmiş, emal olunmuş və ultra emal olunmuş qidalar arasında seçim etməli idilər. Birinci növ məhsullara misal olaraq meyvə-tərəvəz, ikincisiyə göbələk, üçüncüyə müxtəlif konservlər, dördüncüyə “fast food”, dondurmadır daxil idi.

İkinci qrupdan olan könüllülər yağlı, karbohidratlı qidalar və bu qidalara bərabər miqdarı olan digər qidalar arasında seçim ediblər. 

Üçüncü qrup  isə aşağı kalorili, orta kalorili, artan kalorili və ya yüksək kalorili yemək seçiblər. Alimlər ekranda qabların şəkillərini göstəriblər və iştirakçılardan nə yeməyə üstünlük verdiklərini cavablandırmalarını istəyiblər.

Nəticələr göstərib ki, insanlar eyni miqdarda karbohidratlar və yağlar olan yeməkləri ən dadlı hesab edirlər. Gözlənilənlərin əksinə olaraq, ultra işlənmiş və işlənmiş qidalar ən çox arzulananlar arasında olmayıb. Bundan əlavə, yüksək kalori də yeməyin seçiminə təsir edən amil olmayıb.

Alimlər ümid edirlər ki, onların tədqiqatları piylənmə ilə mübarizədə təsirli olan yeni qidalanma strategiyalarının hazırlanmasına töhfə verəcək.

Xəzər
Cebhe.info