Uşaqların yaşlı insanlara nisbətən COVID-19-u niyə daha yüngül keçirdiyi məlum olub. 

Laboratoriya nəticələri göstərib ki, burnun içini əhatə edən hüceyrələr daha gənc insanlarda COVID-19-a qarşı sürətli immun reaksiyası yaratmaq ehtimalı yüksəkdir.

“Cebhe.info” xəbər verir ki, tədqiqat üçün elm adamları sağlam uşaqlardan, böyüklərdən və yaşlılardan götürülmüş burun hüceyrələrini araşdırıblar.

Hüceyrə COVID-19 koronavirusuna məruz qalıb və onların reaksiyası laboratoriyada izlənilib.

Üç gündən sonra uşaqların burun hüceyrələri orqanizmin viruslara qarşı ilk müdafiə xətti kimi xidmət edən siqnal zülalı olan interferonun istehsalını artıraraq virusa tez reaksiya verib. İnterferonlar yaxınlıqdakı hüceyrələri öz antiviral müdafiələrini gücləndirməyə məcbur edib, toxunulmazlığı artırıb.

Ancaq yaş keçdikcə, bu erkən antiviral reaksiya daha az özünü göstərib. Əslində, yaşlı insanların burun hüceyrələri daha çox yoluxucu virus hissəcikləri istehsal etməyə meyillidir, bu da virusun bütün bədənə yayılmasına kömək edir.

Tədqiqatçılar deyirlər ki, uşaqlarda burun hüceyrələrində daha güclü antiviral reaksiya, gənclərin nə üçün COVID-19 simptomlarını daha yüngül yaşadığını izah edə bilər.

Bundan əlavə, yaşlı yetkinlərin burun hüceyrələrində aşkar edilən artan zədələnmə və virus replikasiyası onların COVID-19-dan nə üçün daha çox ağır xəstəlik riski altında olduğunu aşkar edə bilər.

Xəzər
“Cebhe.info”