Həcc ziyarəti zamanı ölən zəvvarların sayı 1 100-ü keçib
![Həcc ziyarəti zamanı ölən zəvvarların sayı 1 100-ü keçib](/uploads/images/2024/06/720x400/171916490072481099766785fe4c1b7c.jpg)
Səudiyyə Ərəbistanında Həcc ziyarəti zamanı dünyasını dəyişən zəvvarların sayı 1 100-ü keçib ki, onların da yarıdan çoxu Misir vətəndaşlarıdır.
Bu barədə TASS-a bir sıra ərəb ölkələrinin Səudiyyə Ərəbistanındakı diplomatik nümayəndəliyindəki mənbələr məlumat verib.
Həcc ziyarəti zamanı 672 misirli zəvvar dünyasını dəyişib ki, onlardan yalnız 31-nə Səudiyyə Ərəbistanı hakimiyyəti tərəfindən xüsusi viza verilib. Qalanları isə zəvvar kimi qeydiyyata alınmayıb və qeyri-qanuni həcc ziyarəti ediblər.
Hazırda 25-i Misir vətəndaşı olmaqla 100-ə yaxın adam itkin düşüb.
Əvvəllər 800-dən çox itkin düşmüş şəxs haqqında məlumat verilib, onların çoxu sonradan yaxınları ilə əlaqə saxlayıb.
"Cebhe.info"