İtaliyada məhbuslar üçün ilk intim otağı açılıb. Bu, məhkəmənin dəmir barmaqlıqlar arxasında olanların “intim görüşlər” hüququna malik olması barədə qərarından sonra mümkün olub.

“Cebheinfo.az” xəbər verir ki, bu barədə 

“The New York Post” yazır 

Mərkəzi Umbria bölgəsindəki Terni şəhərindəki həbsxanada cümə günü bir məhbusun qadın partnyorunun girməsinə icazə verən kameranın açılışı olub.

Erotik eksperiment o qədər uğurlu olub ki, həbsxana artıq daha çox evlilik səfərlərini planlaşdırır.

Umbrianın məhbus hüquqları üzrə komissarı Cüzeppe Kaforio ANSA-ya deyib: "Bir növ təcrübənin uğurlu olduğunu və yaxın bir neçə gün ərzində daha çox görüşlərin keçiriləcəyini söyləyə bilərik".

Məhkəmənin 2024-cü ilin yanvar ayından çıxardığı qərarda deyilir ki, məhbuslar həbsxana gözətçilərinin nəzarəti olmadan həyat yoldaşları və ya uzunmüddətli partnyorları ilə intim görüş hüququna malik olmalıdırlar.

Sərəncamda, həmçinin qeyd edilir ki, cütlük iki saata qədər çarpayı və tualeti olan kilidsiz otağa daxil olmalıdır.

Fransa, Almaniya, İspaniya, Hollandiya və İsveç kimi əksər Avropa ölkələri artıq bu təcrübəyə əməl edirlər.

Ötən il İtaliya parlamenti həbsxana şəraitinin yaxşılaşdırılması ilə bağlı qanunu təsdiqləyib.

Məlumat üçün bildirək ki, Azərbaycanda da evli məhbuslar üçün belə həbsxanalarda belə imkan var.

Xəzər
“Cebheinfo.az”