Xəbər verildiyi kimi, İsrail İranın şimal-qərbindəki Təbriz şəhərindəki hərbi hava limanına yeni zərbə endirib.

“Cebheinfo.az” xəbər verir ki, “Tasnim” hcumun detalları barədə yazıb. 

Bildirilir ki, hücum cümə günü yerli vaxtla saat 12:30-da baş verib.

Sosial şəbəkələrdə yayılan fotolarda Təbriz yaxınlığındakı hava limanından səmaya qalxan qalın tüstü tüstüləri görünür.

Döyüş təyyarələrinin yerləşdiyi Şəhid Fəkuri hərbi hava bazasının hücumun hədəfi olduğu güman edilir.

Xatırladaq ki, İsrail cümə günü səhər saatlarında Tehranda və İranın digər bölgələrində bir sıra yaşayış məntəqələrinə hücum edib.

İslam İnqilabı Keşikçiləri Korpusunun komandanı general-mayor Məhəmməd Hüseyn Baqeri, İranın Xatəmül-Ənbiyadakı Mərkəzi Qərargahının komandiri general-mayor Qulam Əli Rəşid və ən azı altı iranlı nüvə alimi cümə günü səhər saatlarında israillilər tərəfindən öldürülənlər arasındadır. İranın ali rəhbəri Ayətullah Seyid Əli Xameneyi İsraili zərbəyə görə ağır cəza ilə üzləşəcəyi barədə xəbərdar edib.

Xəzər
“Cebheinfo.az”