Türkiyənin Dənizli əyalətinin Buldan rayonunda turistləri daşıyan avtobusun başqa bir avtomobillə toqquşması nəticəsində 1 nəfər ölüb, 24 nəfər yaralanıb.

Cebhe.info xəbər verir ki, bu barədə “TRT Haber” məlumat yayıb.

Bildirilib ki, hadisə Dənizli-Buldan avtomobil yolunun Tosunlar hissəsində baş verib. Yaralılar avtobusun sərnişinləridir, onlar hospitala yerləşdirilib.

Ölən isə digər avtomobilin sərnişini olub.

Faktla bağlı araşdırma başlanılıb.

Cebhe.info