Sosial şəbəkədə yazıçı Əlisa Nicatın sosial vəziyyəti müzakirələrə səbəb olub.

O, tədbirlərin birində evinin soyuq olduğunu, mənzili isitmək üçün qaz pulunu çatdıra bilmədiyini deyib. Yüzlərlə tarixi-fəlsəfi əsərlərin müəllifinin yaşayış səviyyəsinin aşağı olmasını sosial şəbəkə istifadəçiləri təəssüflə qarşılanıb.

Onun yazıçı kimi Azərbaycan Yazıçılar Birliyindən xüsusi təqaüd almaması günün sualına çevrilib. Bu barədə Cebhe.info-ya danışan yazıçı Əlisa Nicat hazırda yalnız yaşa görə təqaüd aldığını bildirib:

“Yazıçılığa, əsərlərimə görə heç vaxt heç bir şey almamışam. Ancaq yaşla əlaqədar 260 manat təqaüd alıram. Yazıçılar Birliyindən heç vaxt bir manat da təqaüd almamışam. Kitablarım var, 50-51 cildlik külliyyatım var, 100 nüsxə çap olunub, onun 60-70-ni abunə ilə, 30-nu da satıb pulumu çıxarmağa çalışıram”.

Qeyd edək ki, Əlisa Nicat daha öncə saytımıza müsahibəsində 1970-cı ildən AYB-nin üzvü olduğunu qeyd edib.

Günay Şahmar
Cebhe.info