“Ermənistan dost ölkədir və iki ölkə liderləri arasında yüksək səviyyədə etimad mövcuddur”. 

“Cebheinfo.az” xəbər verir ki, bunu İranın Ermənistandakı fövqəladə və səlahiyyətli səfiri Xəlil Şirqulami 14 yanvarda keçirilən mətbuat konfransında bildirib.

"Ermənistanın blokadadan çıxarılması və inkişafı istiqamətində atılan hər hansı müsbət addımı alqışlayırıq. Bu prosesinin bir hissəsi olaraq, Ermənistan həm Qərb-Şərq, həm də Şimal-Cənub istiqamətlərində mühüm rol oynaya bilər.

Şimal-Cənub dəhlizinin Ermənistanda iki qolu ola bilər: Omandan Rusiya və Hindistana, Omandan Qara dənizə", - deyə Şirqulami qeyd edib. Onun sözlərinə görə, Ermənistan və ABŞ arasındakı razılaşmalarla bağlı ölkəsinin mövqeyi aydındır:

“Biz erməni həmkarlarımıza onlara etibar etdiyimizi, lakin İrana qarşı tədbir görən ABŞ ilə iş gördüyünü demişik. Biz ABŞ-yə etibar etmirik. ABŞ-nin bu layihədən  (TRIPP – red.) öz təhlükəsizlik siyasətinin bir hissəsi kimi istifadə edə biləcəyindən narahatıq. 

Biz bunu erməni tərəfdaşlarımıza çatdırmışıq. İrəvan Ermənistanın heç vaxt İran üçün təhdid mənbəyinə çevrilməyəcəyinə zəmanət verib. Biz bu layihənin əhatə dairəsini yaxşı anlamaq üçün müzakirələrimiz vaxtaşırı davam etdirməyə razılaşdıq”.

O qeyd edib ki, İran və Ermənistan arasındakı münasibətlər strateji əhəmiyyət kəsb edir və heç bir məsələ bu münasibətlərə “meydan oxumamalıdır”.

“Ümid edirik ki, İranın narahatlıqları həll olunacaq və həll olunacaq. Biz bu məsələni diqqət mərkəzində saxlamağa davam edirik”, - deyə Şirqulami fkrini yekunlaşdırıb.

Xəzər
“Cebheinfo.az”