Türkiyədə aylardır ictimai müzakirələrə səbəb olan “10-cu Mühakimə Paketi” kimi tanınan “Cəzaların icrası, təhlükəsizlik tədbirləri və bəzi qanunlara dəyişikliklər edilməsi haqqında” Qanun layihəsi TBMM Ədalət Komissiyasında qəbul edilib. 

“Cebheinfo.az” xəbər verir ki, lakin təklifin məzmunu gözləntiləri doğrultmadığı üçün tənqid olunub. Xalqların Bərabərlik və Demokratiya Partiyasının (DEM) üzvü Əhməd Türk də buna etiraz edib. Qanun layihəsinin hazırlanması zamanı Ədalət və İnkişaf Partiyası (AK Partiya), Milliyətçi Hərəkat Partiyası (MHP) və DEM Partiyası arasında aparılan danışıqlarda xüsusilə "qruplaşma cinayətləri" çərçivəsində cəzaların azaldılması və tənzimləmələri ilə bağlı razılıq əldə oluna bilməyib. Bu səbəbdən icra tənzimləməsinin əhatə dairəsi kifayət qədər dar saxlanılıb. 

Redaktədə yalnız müəyyən başlıqlara məhdud dəyişikliklər daxildir. Yeni tənzimləmə ilə bağlı ən diqqət çəkən açıqlamalardan biri DEM Partiyasının aparıcı simalarından biri, İmralı nümayəndə heyətinin üzvü Əhməd Türkdən gəlib. O, sözügedən tənzimləmənin “məyusedici” olduğunu söyləyib: 

“Bununla bağlı tənqidlər, hətta inamsızlıq var. Onların səmimi olmadığı deyilir. Lakin biz bu səmimiyyəti gördük. Amma açıq şəkildə demək lazımdır ki, xüsusən də proses bayramdan əvvəl başlamadığı üçün narahatlığımız artıb. Yeni tənzimləmələr gözləntilərdən uzaqdır. Bu da bizi məyus etdi. Ümid edirik ki, oktyabr ayında gözləntilərimizi doğruldan yeni bir prosesə başlamaq mümkün olacaq”. 

Qeyd edək ki, sözügedən qanuna dəyişikliklərin əhatə dairəsi və hədəf aldığı auditoriya baxımından müzakirə mövzusu olmaqda davam edir. Xüsusilə siyasi və mütəşəkkil cinayətlər çərçivəsində cəza qaydaları ilə bağlı müxtəlif dairələrdən tənqidlər artır. 

Elmir 
“Cebheinfo.az”