İranın Hava Hücumundan Müdafiə sistemləri İsfahan şəhərinin səmasında İsrailin bir pilotsuz uçuş aparatını məhv edib.

Bu barədə "Cebheinfo.az" İran mediasına istinadən xəbər verir.

"Bu gün İranın Hava Hücumundan Müdafiə sistemləri düşmən İsrail qüvvələrinə məxsus bir dronu məhv edib", - deyə məlumatda bildirilir.

Qeyd edək ki, İran və İsrail arasında baş qaldıran silahlı qarşıdurma artıq regionu sarsıdan təhlükəli mərhələyə keçib. Məhz müharibənin 6-cı günü hər iki tərəf bir çox şəhərə bomba yağdırarkən, döyüşdə pilotsuz uçuş aparatlardan da istifadə olunur.

"Cebheinfo.az"