İsrail ordusunun səhər saatlarından etibarən Qəzza zolağında həyata keçirdiyi hücumlarda 21 fələstinli həyatını itirib.

"Cebheinfo.az" xəbər verir ki, Fələstin səhiyyə mənbələrindən alınan məlumata görə, İsrail ordusunun Qəzza zolağının cənubundakı Xan Yunus şəhərində fələstinli “Abdulbari” ailəsinin evinə hücumu nəticəsində 13 nəfər həyatını itirib.Xan Yunisin qərbində məcburi köçkün fələstinlilərin sığındığı çadırı hədəf alan hücumda 1 nəfər ölüb, 4 nəfər yaralanıb. Qəzza zolağının cənubundakı Rəfah şəhərinin Mirac bölgəsinə edilən hava hücumunda fələstinli “Əbu Rizk” ailəsinin üç üzvü, evlərinin vurulması nəticəsində isə fələstinli “Əbu Senime” ailəsinin iki üzvü həyatını itirib.

Şahidlərin bildirdiyinə görə, İsrail ordusu Rəfah şəhərinə intensiv və şiddətli hücumlar həyata keçirib.İsrail ordusunun Qəzza zolağının mərkəzi hissəsindəki Nusayrat Qaçqınlar Düşərgəsində fələstinli “Nəcm” ailəsinin evini bombalaması nəticəsində 2 nəfər həyatını itirib.Bazar ertəsi günü İsrail ordusunun şimali Xan Yunusda fələstinlilərin sığındığı çadıra təşkil etdiyi hücumda yaralanan uşağın da həyatını itirdiyi bildirilib.

Nigar Hacılı 
"Cebheinfo.az"