Danimarkanın Baş naziri Mette Frederiksen ölkənin yarımüstəqil bölgəsi olan Qrenlandiyanı ziyarət edərək "ABŞ Qrenlandiyanı ala bilməz, Qrenlandiya qrenlandiyalılarındır",- deyib. 

"Cebheinfo.az" "Türkiye"-yə istinadən xəbər verir ki, Frederiksen ABŞ Prezidenti Donald Trampın tez-tez Qrenlandiyanı almaq və ya ilhaq etməklə hədələdiyi bir vaxtdayeni hökuməti ilə görüşmək üçün Nuuk şəhərinə gedib. O, Qrenlandiyanın yanında olduğunu bildir: 

"ABŞ Qrenlandiyanı ala bilməz, Qrenlandiya qrenlandiyalılarındır". O, həmçinin qrenlandiyalıların Danimarkada bərabər hüquqlara sahib olmaları üçün əlindən gələni edəcəyini vurğulayıb: 

"Əvvəlcə xarici siyasət, təhlükəsizlik və geopolitik məsələləri müzakirə etməliyik. Bu çətin dövrdə bir yerdə addımlamalıyıq". Qrenlandiyanın yeni Baş naziri Jens-Frederik Nielsen isə Frederiksenin ziyarətini sevinclə qarşılayıb:"Danimarka Qrenlandiyanın ən yaxın tərəfdaşıdır". 

Xatırladaq ki, Tramp bir neçə gün əvvəl verdiyi açıqlamada Qrenlandiyanı ilhaqı ilə bağlı "dəqiq danışıqlar apardığını" bildirib. O, "Qrenlandiyanı alacağıq. Bəli, yüz faiz" ifadələrini işlədib. ABŞ vitse-prezidenti Ceyms Devid Vens isə 28 martda Qrenlandiyanın şimalında yerləşən ABŞ hərbi bazasını ziyarət edib, Danimarkanı adanı yetərincə yaxşı qoruya bilməməkdə suçlayıb və ABŞ-nin bu strateji mövqedə olan adanı daha yaxşı qoruya biləcəyini iddia edib. 

Səbinə Uğur 
"Cebheinfo.az"