ABŞ hökuməti Çində işləyən amerikalı dövlət qulluqçularına və onların ailə üzvlərinə Çin vətəndaşları ilə romantik münasibət qurmağı qadağan edib.

"Cebheinfo.az" xəbər verir ki, "Associated Press" (AP) agentliyinin məlumatına görə, bu qayda 2024-cü ilin yayında tətbiq edilib.ABŞ-ın Çindəki səfirliyi və beş konsulluğunda mühafizəçi və köməkçi işləyən Çin vətəndaşları ilə "romantik və cinsi münasibətlər" qadağan edilib.

Lakin 2025-cü ilin yanvar ayında, Donald Tramp vəzifəyə başlamazdan əvvəl, ABŞ-nin Çindəki keçmiş səfiri Nikolas Berns bu qadağanı daha da sərtləşdirərək bunu bütün Çin vətəndaşlarına şamil edib. Agentlik bildirir ki, istisna yalnız qadağadan əvvəl Çin vətəndaşı ilə münasibətdə olan dövlət qulluqçularına şamil edilə bilər.Onlar xüsusi icazə almaq üçün müraciət edə bilərlər, lakin əgər müraciətləri rədd edilərsə, ya münasibətlərini bitirməli, ya da vəzifələrindən ayrılmalı olacaqlar.

Bu siyasət yanvar ayında amerikalı personalın diqqətinə həm şifahi, həm də elektron formada çatdırılıb, lakin rəsmi şəkildə ictimaiyyətə elan edilməyib.
Qeyd edək ki, dünyanın müxtəlif kəşfiyyat xidmətləri uzun müddətdir ki, cəlbedici kişilər və qadınları məxfi məlumat əldə etmək üçün istifadə edir və bu, “Soyuq müharibə” dövründə də məlum idi.ABŞ Dövlət Departamenti və  Çin kimi ölkələrdə ofisləri olan digər agentliklər, orada işləyən amerikalı personalın şəxsi münasibətləri barədə ciddi hesabat tələb edirlər. Həmçinin, kəşfiyyat üçün ciddi təhlükə yaradan ölkələr, məsələn, Rusiya və Kuba, bu cür qaydalara tabe tutulurlar. 

Səbinə Uğur 
"Cebheinfo.az"