Xəbər verdiyimiz kimi, ABŞ Prezidenti Donald Tramp dünya ölkələri üçün yei rüsumları elan edib. 

“Cebheinfo.az” xəbər verir ki, rüsumların həddən artıq çox olması ölkələrin ciddi narazılığına səbəb olub və Trampa cavab gecikməyib.

Lakin cavablar loyallığı ilə diqqəti çəkib. Kanadanın Baş naziri Mark Karni ABŞ Prezidenti Donald Trampın elan etdiyi cavab rüsumlarının beynəlxalq ticarət sistemini kökündən dəyişəcəyini deyib və bununla bağlı əks tədbirlərlə mübarizə aparacağına söz verib.

“Prezident Tramp indicə beynəlxalq ticarət sistemini kökündən dəyişdirəcək tədbirləri açıqladı”, – Kanada mediası Karninin sözlərindən sitat gətirib.

İsveçin Baş naziri Ulf Kristersson sosial mediada ölkəsinin "azad ticarət və beynəlxalq əməkdaşlığı müdafiə etməyə davam edəcəyini" yazib: 

"Azad sahibkarlıq və rəqabət Qərbin uğurunun əsasını qoydu.  Buna görə də mən ABŞ-nin daha yüksək tariflərlə ticarəti məhdudlaşdırmaq üçün tutduğu yola dərin təəssüflənirəm”. 

Avstraliyanın Baş naziri Entoni Albanese mətbuat konfransı zamanı Trampın tariflərinin gözlənilməz olmadığını, lakin onların tamamilə “əsassız” olduğunu bildirib:

“Prezident Tramp cavab rüsumlarından bəhs etdi. Cavab tarifi 10 % yox, sıfır olacaq. Administrasiyanın tarifləri məntiqə əsaslanmır və ölkələrimiz arasında tərəfdaşlıq prinsiplərinə ziddir. Bu, dostluq hərəkəti deyil".

Yeni Zelandiyanın ticarət naziri Todd Maklay ABŞ-nin tariflərinin ölkə ixracatçılarına təsir edəcəyini, bəzilərinin başqa bazarlara baxa biləcəyini söyləyib.Onun sözlərinə görə, Yeni Zelandiya ABŞ-yə qarşı cavab rüsumları tətbiq etmək niyyətində deyil:

"Bu, Yeni Zelandiya istehlakçıları üçün daha yüksək qiymətlərə səbəb olacaq və bu, inflyasiyaya səbəb olacaq".

Meksikanın Baş naziri Klaudiya Şeynbaum Trampın tariflərinə cavab verəcəyinə söz verib.İrlandiyanın Baş naziri Maykl Martin sosial mediada yayımlanan videoda İrlandiyanın Avropa İttifaqı ilə birlikdə "bu tariflərdən gələn zərəri məhdudlaşdırmaq üçün ABŞ ilə danışıqlar yoluna keçmək" üçün çalışacağını bildirib.

Danimarkanın xarici işlər naziri Lars Lokke Rasmussen hesab edir ki, qoyulan rüsumlardan heç kim faydalanmayacaq.Norveçin ticarətvə sənayenaziri Sesili Mirset deyib:

“Bu, ciddi bir gündür və indi bunun Norveç üçün nə demək olduğu barədə ümumi təsəvvür əldə etməliyik". 

Xəzər
“Cebheinfo.az”