Yeni genişmiqyaslı araşdırma göstərib ki, ağ çörəyin müntəzəm istehlakı xərçəngin ən çox yayılmış və təhlükəli növlərindən biri olan kolorektal xərçəngin inkişaf riskini artıra bilər.

“Cebheinfo.az” xəbər verir ki, alimlər ağ çörəyi bağırsaq xərçəngi riskinin artması ilə əlaqələndiriblər. Tədqiqat Böyük Britaniyada aparılıb və təxminən 13 il ərzində müşahidə edilən 118 000-dən çox insanı əhatə edib. Alimlər iştirakçıların pəhrizini, həyat tərzini və xəstəlik hallarını müqayisə ediblər. Nəticə həyəcanverici idi: tez-tez ağ çörək yeyənlərin bağırsaq xərçənginə tutulma riski 10% yüksəkolub.

Səbəb ağ çörəyin tərkibindədir- med-practice. O, demək olar ki, heç bir lif, vitamin və ya mineral ehtiva etməyən təmizlənmiş undan hazırlanır. Eyni zamanda, belə məhsullar qanda şəkərin səviyyəsini sürətlə artırır, həzm sistemini həddindən artıq yükləyir və toxluq hissi vermir, daha çox yeməyə məcbur edir.

Tədqiqatın müəllifləri həmçinin müəyyən ediblər ki, ağ çörəklə yanaşı, spirt də risk faktorudur. Ancaq liflə zəngin qidalar - tərəvəzlər, paxlalılar, tam taxıl çörəyi, eləcə də kalsium və maqnezium kimi maddələr bədəni qoruyur.

Xərçəngə genetik meyili olan insanlarda belə, düzgün qidalanma bu riski azaldır.

Həkimlər ən azı qismən ağ çörəyi tam taxılla əvəz etməyi, spirti məhdudlaşdırmağı və pəhrizə daha çox tərəvəz daxil etməyi məsləhət görürlər. Onların fikrincə, qidalanmada sadə dəyişikliklər xərçəngin qarşısının alınmasında əsas rol oynaya bilər.

Xəzər
“Cebheinfo.az”