ABŞ-nin San-Dieqo Universitetinin alimləri yeni kəşfə imza atıblar.

“Cebheinfo.az” xəbər verir ki, ABŞ alimləri düşüncələri real vaxt rejimində səsli kəlmələrə çevirə bilən cihaz hazırlayıblar.

Bu cihaz insan beynində danışıqla bağlı fikirləri aşkar edərək onları sözlərə çevirir.

Süni intellektlə təchiz olunmuş bu cihaz, 18 il əvvəl iflic keçirərək danışma qabiliyyətini itirmiş 47 yaşlı qadının beyninə yerləşdirilib. 

Tədqiqatçılar xəstənin müəyyən cümlələri beynində canlandırdığı zaman, beyindəki siqnalları elektrodlar vasitəsilə qeydə alıblar.

Daha sonra isə xəstənin iflic keçirməzdən əvvəlki səs yazılarından istifadə edərək xüsusi bir səs sintetizatoru hazırlayıblar.

Bu texnologiya düşüncələri real vaxtda səsli nitqə çevirərək xəstənin yenidən danışmasına imkan yaradıb.

Əfsanə Rəcəb
“Cebheinfo.az”