Pəhirz bir çox insanın gündəlik həyatında əsas yer tutan vərdişlərdən birinə çevrilib. Bəziləri bunu sağlamlıq üçün etsə də, artıq çəkidən xilas olmağın yolu kimi seçənlər də var.

“Cebheinfo.az” xəbər verir ki, pəhrizin dəb olduğu bir zamanda aketogenik pəhrizin beyinə qan axını əhəmiyyətli dərəcədə yaxşılaşdıra və neyronların sağlamlığı üçün həyati əhəmiyyət kəsb edən zülal olan neyrotrofik amil BDNF səviyyəsini artıra biləcəyini aşkarlanıb. Bu, koqnitiv pozğunluğu olmayan sağlam insanlarda belə nəticələri göstərən ilk klinik tədqiqatdır.

BDNF (beyindən əldə edilən neyrotrofik faktor) sinir hüceyrələrinin sağ qalmasında, öyrənmədə və yaddaşın formalaşmasında əsas rol oynayır. Onun səviyyəsinin azalması Alzheimer xəstəliyinin inkişafı ilə əlaqələndirilir.

Təcrübədə 50-70 yaş arasında olan 11 kilolu insan iştirak edib. Onların hamısı ardıcıl olaraq iki pəhrizə riayət ediblər: müntəzəm pəhriz və ketogenik pəhriz (burada kalorilərin 75%-i yağdan, 20%-i zülaldan və yalnız 5%-i karbohidratlardan gəlir). Keto pəhrizinə riayət edərkən, iştirakçılar ketoz vəziyyətinə çatdılar, bədən keton cisimlərini enerji mənbəyi kimi istifadə etməyə keçib. Üç həftədən sonra beyin qan axını orta hesabla 22%, BDNF səviyyəsi isə 47% artıb.

Həkimlərin fikrincə, keton cisimləri təkcə beyni enerji ilə təmin etmir, həm də hüceyrə səviyyəsində qoruyucu mexanizmləri işə salır. Tədqiqatın kiçik miqyaslı olmasına baxmayaraq, onun nəticələri PET görüntüləmə və qan testləri ilə təsdiqlənib.

Mütəxəssislər keto pəhrizinin qocalıqda koqnitiv sağlamlığı qorumaq üçün təsirli bir üsul ola biləcəyini vurğulayırlar. Bununla belə, yekun nəticə çıxarmaq üçün daha geniş və uzunmüddətli klinik sınaqlara ehtiyac var.

Xəzər

"Cebheinfo.az"