ABŞ İranla yekun sülh sazişi imzalanana qədər Yaxın Şərqdəki hərbi qüvvələrini azaltmayacaq.

“Cebheinfo.az”-ın məlumatına görə, bu barədə “Fox News” telekanalı xəbər yayıb. Telekanalın aparıcısı bildirib ki, bu qərar ABŞ-nin iki aviadaşıyıcı zərbə qrupunun bölgədə fəaliyyətini davam etdirəcəyi anlamına gəlir.

Memorandumda qeyd olunan əsas məqamlar bunlardır:

* İranın yüksək səviyyədə zənginləşdirilmiş uran ehtiyatları olduğu yerdəcə məhv ediləcək və prosesə Beynəlxalq Atom Enerjisi Agentliyi (MAQATE) nəzarət edəcək;

* Hörmüz boğazı dərhal açılacaq, ABŞ isə tətbiq etdiyi blokadanı mərhələli şəkildə aradan qaldıracaq;

* İrana neft ixracına yenidən icazə veriləcək;

* Fars körfəzi ölkələri İranın yenidən qurulması üçün yaradılacaq 300 milyard dollarlıq fonda qoşulacaq, lakin ABŞ bu fondun iştirakçısı olmayacaq;

* ABŞ müxtəlif lisenziyalar, istisnalar və icazələr vasitəsilə İranda fəaliyyət göstərən xarici şirkətlərə nəzarəti əlində saxlayacaq;

* İrana qarşı sanksiyalar yalnız yekun razılaşma imzalandıqdan sonra ləğv ediləcək və həmin razılaşmanın şərtlərinin daha sərt olacağı bildirilir.

Aişə Abdulova
“Cebheinfo.az”