Türkiyəli tanınmış müğənni Gökhan Özoğuz "Millət İttifaqı"nın prezidentliyə namizədi, CHP sədri Kemal Kılıçdaroğluna dəstəyini ifadə edib.

Cebhe.info xəbər verir ki, sənətçi Kılıçdaroğlunun "Babala TV"nin efirində qonaq olduğu verilişə baxdıqdan sonra tviter səhifəsində bu barədə paylaşım edib.

"Bu proqramdan sonra cənab Kemal Kılıçdaroğlu özü və partiyası ilə bağlı bütün sual işarələrini mükəmməl bir şəkildə ortadan qaldırdı. Türkiyənin qurtuluşu "Millət İttifaqı"ndadır. Seçki qutusuna sarıl. Səs ver, gələcəyiniz oradadır. Bu verilişi başdan sona qədər bütün xalqımız izləməlidir", - deyə o bildirib.

Qeyd edək ki, Kılıçdaroğlu veriliş zamanı Azərbaycanla bağlı sualı da cavablandırıb.

Cebhe.info